የኢትዮጵያ የሳንባ ካንሰር ፕሮጀክት ዓመታዊ ግምገማ ተካሄደ

20ኛ ዓመቱን በዚህ ዓመት የሚያከብረው የማቲዎስ ወንዱ የኢትዮጵያ ካንሰር ሶሳይቲ ፕሮጀክቶች አንዱ የሆነው የሳንባ ካንሰር ፕሮጀክት ላለፉት ሦስት ዓመታት  የነበረውን አተገባበር በተመለከተ  ከጤና ሚኒስቴር፣ ከጤና ቢሮዎች እና የፕሮጀክቱ አጋር አካላት ተወካዮች  በተገኙበት በጠንካራ እና ደካማ ጎኖች ላይ ውይይት አካሂዷል፡፡

የሶሳይቲው ዋና ሥራ አስፈፃሚ አቶ ወንዱ በቀለ የሳንባ ካንሰርን በተመለከተ ከጤና ቢሮዎች እና በጋራ ሲሰሩ ከቆዩ ድርጅቶች ጋር መወያየት ያስፈለገው ተቀናጅቶ ሥራዎችን በተጠናከረ ሁኔታ ማከናወን እንዲቻል መሆኑን ተናግረዋል፡፡

የአዲስ አበባ ከተማ አስተዳደር እና የተለያዩ ክልልሎች ጤና ቢሮ ተወካዮች፣ አለርትና ሌሎችም ሆስፒታሎች፣ እንዲሁም ሜሪጆይ እና አምረፍን የመሰሉ ድርጅቶች ተወካዮች ባለፉት ሦስት ዓመታት የሳንባ ካንሰርን በመቆጣጠር እና መከላከል በኩል የማቲዎስ ወንዱ የኢትዮጵያ ካንሰር ሶሳይቲ ትልቅ ድጋፍ አድርጓል ብለዋል፡፡