ማቲዎስ ወንዱ – የኢትዮጵያ ካንሰር ሶሳይቲ የክረምት በጎ ፍቃደኛ ተማሪዎችንና ወላጆቻቸውን አመሰገነ።

ሰለማዕከሉ በልጆቻቸው አማካኝነት የተረዱት ወላጆችም በቀጣይ የሚችሉትን ሁሉ በማድረግ ሶሳይቲውን እንደሚደግፉ የገለፁ ሲሆን ልጆቻቸው በመልካም ተግባር የዕረፍት ጊዜያቸውን በማሳለፋቸው የተሰማቸው ደስታ ከፍተኛ መሆኑን ተናግረዋል፡፡

ከተለያዩ ትምህርት ቤት ተሰባስበው ባላቸው አቅም ሁሉ መፃህፍትን በመሸጥ፣ ሶሳይቲውን በማስተዋወቅ፣ አልባሳትንና ምግብ በመስጠት እንዲሁም ገንዘብ በማሰባሰብ ከትምህርት ነፃ የሆነውን ጊዜያቸውን ለሶሳይቲውና ለካንሰር ህሙማን  በጎ ፍቃደኛ ሆነው ሲንቀሳቀሱ የነበሩት ተማሪዎችም ትምህርታቸውን በማይጋፋ መልኩ በቀጣዮቹ ወራትም አገልግሎታቸውን እንደሚቀጥሉ ተናግረዋል፡፡

በምስጋና መርሐግብሩ ላይ ወሩ በህፃናት ላይ የሚከሰት የደም ካንሰርን በተመለከተ ግንዛቤ ማስጨበጫ እንደመሆኑ የሶሳይቲው ሜዲካል አስተባባሪ ዶ/ር ናትናኤል ትምህርት የሰጡ ሲሆን በሶሳይቲው አማካኝነት ከካንሰር ያገገሙ ታዳጊዎች እና ወላጆቻቸውም በጎፍቃደኛ ተማሪዎቹን አመስግነዋል፡፡